Puisi sunda terbaru 2011 -
Kumpulan puisi sunda atau
puisi bahasa sunda -
Contoh puisi sunda atau sajak sunda - Buat anda yang mengaku orang sunda dan ingin membaca mengenai puisi-puisi atau sajak sunda, di sinilah tempatnya
koleksi puisi sunda paling lengkap.
Kumpulan puisi sunda yang ada di sini berasal dari berbagai sumber baik offline maupun online. Selamat menikmati beberapa buah
puisi sunda berikut ini:
Ukur jadi kalangkang
Kategori: Sajak Sunda | Diterbitkan pada: 07-12-2010 |
Sajak IWAN M. Ridwan
Bulan ukur jadi kalangkang dina peuting ngabangingik, jadi tumbal dina réwuan juta lampu nu moncorong. Beureum, konéng ngagindingan kota, sawaréh lalumpatan di jalan-jalan patakonan. Ting garerung bari ting sérépét meupeus lamunan. Langit beuki alum némbongkeun kaceuceub. Kuring beuki anteng ngelun-ngelunkeun haseup filter, sumarambah ngalimpudan jomantara. Nyéh, bulan seuri basa kuring ngajak sasalaman, ngajak ulin lulumpatan dina kecap-kecap nu ngawangun puisi…
Bandung, 19 Pébruari 2008
Dimuat dina Galura edisi Minggu ka I Agustus 2010
Hirup Ngan Ukur Cenah
Kategori: Sajak Sunda | Diterbitkan pada: 07-12-2010 |
Sajak IWAN M. Ridwan
Cenah hirup teh jalan nu pagaliwota
Sedeng cinta ngan saukur teteguhan
Urang bebas leumpang mapay nu can kasorang
Nyorangan atawa babarengan teu jadi sual
Di mana aya kacinta di dinya urang bakal ngalalana
Cenah hirup teh kabel nu pakuranteng
Sedeng cinta ngan sakadar layar monitor
Sing nyalse. Sing daria. Tumaninah.
Sabab jaga teuing kumaha boa
Di mana aya tunggara di dinya urang eureun ngalalana.
Cenah hirup ayeuna teh di dunya
Sedeng cinta teuing di mana ngancikna
Bandung, 11 Juli 2010
Dimuat dina Galura edisi Minggu ka I Agustus 2010
Handapeun Sora Sit-uncuing
Kategori: Sajak Sunda | Diterbitkan pada: 07-12-2010 |
Sajak IWAN M. RIDWAN
Sit-uncuing ngelak maseuk kota
Nyelangan gerung kored mesin
Memeh pindah kana gurat jukut sejen
Handapeuneunana balawiri nu ngulon ngetan
Tuturubun ngudag jeung diudag waktu
“Bisi teu kasampeur nu lebah pengkolan!” ceuk hatena
Ngomong ka panon poe nu teu malire
Renghap ranjug dayeuh beuki sumpeg
Katarajang panyakit mengi sabab paru-paruna geus karancang
Dina tikorona menet reuhak peradaban
Ngagulung jeung teknologi
Jeung runtah
Handapeun sora Sit-uncuing manglaksa kacangcaya teu kungsi mulang
terus ngamalir ka rorotek jalan nu brasna ka poe kiamat
Bandung, 24 Mei 2010
Dimuat dina Galura edisi Minggu ka I Agustus 2010
Suci Dulife ‘10
Kategori: Sajak Sunda | Diterbitkan pada: 25-02-2010 |
Da cinta nu saéstuna tara laas ku robahna mangsa
Rongkah, rohaka tumerap na dadasar kalbu
Nu bisa ngarungkup gunung,
ngojayan jaladri, meuraykeun jaladra
Urang suaykeun rupaning lalangsé
Urang halingkeun aling-aling
Wilujeng milangkala, jungjunan…
Panjalu – Cibiru – Pulogebang, 1978-2010
Bulan Masih nu Baheula
Kategori: Sajak Sunda | Diterbitkan pada: 03-12-2009 |
Sajak RIZAL SABDA
Karasa ayeuna mah Yan
lalampahan téh geus natrat
kajeueung di péngkolan
bulan béngras kénéh
nyaangan léngkah gejed urang
nu ngandelkeun gandeuang basajan
Yan bulan masih nu baheula
najan cahyana dicangkalak katunaan
wirahmana angger marengan réngkak urang
nu éstu rimbil ku harepan nu can kalakonan
Dimuat dina Mangle No. 2196
Nah, itulah beberapa
kumpulan puisi sunda yang berhasil saya temukan.
